Gürcüstandan idxal edilən spirtli içki məhsulu partiyasının istehlak üçün yararsız olduğu aşkarlanıb
Bakı, 12 mart, AZƏRTAC
Qida Təhlükəsizliyi Agentliyi ölkəyə idxal olunan qida məhsullarına nəzarət tədbirləri davam etdirir.
Agentliyin İnformasiya təminatı və innovativ hallar şöbəsindən AZƏRTAC-a verilən məlumata görə, həyata keçirilən nəzarət tədbirləri zamanı “Gemini” MMC tərəfindən Gürcüstandan ölkəmizə idxal edilən “Çaça Gold” əmtəə nişanlı spirtli içki məhsuluna baxış keçirilib.
Baxış zamanı idxal olunan məhsullardan nümunələr götürülərək Qida Təhlükəsizliyi İnstitutunun müvafiq laboratoriyasına təqdim olunub. Müayinələr nəticəsində məhsul partiyasında metil spirtinin həcm payının texniki normativ sənədlərə uyğun gəlmədiyi və istehlak üçün yararsız olduğu aşkar edilib.
Agentlik tərəfindən istehlak üçün yararsız, ümumi çəkisi 135 kiloqram (126 ədəd) olan spirtli içki məhsulu partiyasının satış şəbəkəsinə daxil olmasının qarşısı alınıb və qanunvericiliyin tələblərinə uyğun tədbirlər görülüb.
Bölmənin digər xəbərləri
