Gürcüstanın Avropa İttifaqı ölkələri ilə ticarət dövriyyəsi 25 faiz azalıb
Tbilisi, 20 noyabr, AZƏRTAC
Aİ-nin Gürcüstanın ixracatındakı payı 10 illik minimuma enib.
AZƏRTAC xəbər verir ki, bu barədə yerli mətbuatda məlumat yayılıb.
Bildirilir ki, cari ilin yanvar-oktyabr ayları ərzində Gürcüstandan Aİ ölkələrinə 456 milyon dollar dəyərində məhsul ixrac edilib ki, bu da keçən ilin göstəricilərindən 25 faiz azdır. Nəticədə Aİ-nin Gürcüstanın ümumi ixracatındakı payı 8,4 faizə enib. Müqayisə üçün, 2020-ci ildə bu rəqəm 20,5 faiz, 2015-ci ildə isə 28,3 faiz olub.
Qeyd edək ki, ən çox ixrac olunan məhsullar arasında fındıq, mis xammalı və konsentratlar, eləcə də qiymətli metallardan olan xammallar yer alır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
