Gürcüstanın Baş naziri: Xarici xidmət orqanlarının inqilab ssenarisinə imkan verilməyəcək
Tbilisi, 22 sentyabr, AZƏRTAC
Ukrayna xarici kəşfiyyat xidmətləri tərəfindən maliyyələşdirilən inqilablardan sonra iki müharibədən sağ çıxıb. Biz Gürcüstanda bunun baş verməsinə imkan verməyəcəyik.
AZƏRTAC xəbər verir ki, bu sözləri jurnalistlərə açıqlamasında Gürcüstanın Baş naziri İrakli Kobaxidze söyləyib.
Onun sözlərinə görə, xarici agentlərin Gürcüstanda inqilab həyata keçirmələrinə imkan verilməyəcək. Bunun üçün Gürcüstan hökumətinin bütün resursları var.
"Siz xarici kəşfiyyat xidmətlərinin “Maydanı” necə maliyyələşdirdiyini, sonra da bütün bunların Ukrayna üçün necə nəticələndiyini xatırlayırsınız. Bu gün xarici xidmət orqanlarının inqilab ssenarisindən sonra Ukrayna dövləti dağılıb. Amma biz Ukrayna ssenarisinin Gürcüstanda həyata keçirilməsinə icazə verə bilmərik. Ona görə də bizim bu cür maliyyələşdirmə və kənar müdaxilə ilə bağlı bütün faktları açıqlamağımız çox vacibdir”, - deyə Baş nazir bildirib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
