Gürcüstanlı futbolçu: "Kəpəz"in Premyer Liqada qalması üçün əlimizdən gələni edəcəyik
Bakı, 12 yanvar, AZƏRTAC
"Fərdi və kollektiv olaraq özümüzü inkişaf etdirməliyik".
Bu sözləri AZƏRTAC-a açıqlamasında "Kəpəz" klubunun gürcüstanlı futbolçusu Giorgi Papunaşvili deyib.
28 yaşlı yarımmüdafiəçi komandasının bir çox oyunda yaxşı mübarizə apardığını bildirib: "Düzdür, bu da kifayət deyil. Amma anlayırıq ki, "Kəpəz" kimi tarixi olan komandanın şərəfini qoruyuruq və rəqibləri məğlub etməyə çalışırıq. "Sarı-göylər"in növbəti mövsümdə də Premyer Liqada oynaması üçün əlimizdən gələni edəcəyik".
Bu qış transfer təkliflərinin olub-olmaması ilə bağlı da danışan oyunçu bunları söyləyib: "Hazırda bütün diqqətimi "Kəpəz"ə yönəltmişəm. Komandama kömək etməyə çalışıram. Gələcəkdə nə olacağını görəcəyik".
Qeyd edək ki, "Kəpəz" 18 turdan sonra topladığı 14 xalla doqquzuncu pillədə qərarlaşıb.
Bölmənin digər xəbərləri
