Hacıqabulda şadlıq sarayında karantin qaydaları pozulub
Hacıqabul, 20 iyul, Aydın Yavərzadə, AZƏRTAC
Hacıqabul Rayon Polis Şöbəsinin əməkdaşları rayon ərazisində toy mərasimlərinin keçirildiyi şadlıq saraylarında yoxlamalar aparıblar.
Daxili İşlər Nazirliyinin mətbuat xidmətinin Şirvan regional qrupundan AZƏRTAC-ın bölgə müxbirinə verilən məlumata görə, keçirilən tədbirlər zamanı rayonun Nəvahı kəndi ərazisində yerləşən "Şahsaray" şadlıq sarayında karantin rejimindən irəli gələn qayda və tələblərin pozulması halları müəyyən olunub.
Məlum olub ki, obyektin icarədarı T.Əliyev keçirilən toy mərasimi ilə bağlı məlumatları “icaze.e-gov.az” portalında qeydiyyata salmayaraq, məclisdə icazə verilən saydan artıq qonağın iştirakını təşkil edib.
Yol verilən qayda pozuntusu ilə bağlı obyektin icarədarına və toy sahiblərinə ciddi xəbərdarlıq edilib, onların barəsində qanunvericiliyə uyğun müvafiq tədbirlər görülüb.
Bölmənin digər xəbərləri
