Həbib Nurməhəmmədov Castin Getji ilə qarşılaşmasının ilin ən yaxşı döyüşü olacağına ümid edir
Bakı, 12 avqust, AZƏRTAC
Mütləq Döyüş Çempionatının (UFC) yüngül çəkidə çempionu rusiyalı Həbib Nurməhəmmədov amerikalı döyüşçü Castin Getji ilə qarşılaşmasının 2020-ci ilin ən yaxşı döyüşü olacağına ümid etdiyini bildirib.
AZƏRTAC xəbər verir ki, bu barədə ESPN kanalının “Instagram” səhifəsində məlumat verilib. H.Nurməhəmmədov və C.Getji arasında döyüş oktyabrın 24-də təşkil olunacaq.
H.Nurməhəmmədov sonuncu döyüşünü 2019-cu ilin sentyabrında amerikalı Dastin Poryeyə qarşı keçirib və titulunu qoruyub. Yüngül çəkidə UFC-nin müvəqqəti çempionu C.Getji bu ilin mayında amerikalı Toni Ferqyusonu texniki nokautla məğlub edib.
Bölmənin digər xəbərləri
