HƏMİD KƏRZAİ ƏFQANISTAN PREZİDENTİ SEÇİLMİŞDİR

26.10.2004 [23:38]
Çap et
A⁺ A^-

AZƏRTAC-ın Baxtar agentliyindən aldığı xəbərə görə, Əfqanıstanda keçirilən prezident seçkilərində səslərin hesablanması ölkənin fəaliyyətdə olan başçısının – Həmid Kərzainin qələbəsini təsdiqləmişdir. Hesablama komissiyasının nümayəndəsi demişdir: ”Məsələ həll olunmuşdur və seçkilərin nəticələrinə artıq heç nə təsir göstərə bilməyəcəkdir”.

Lakin seçkilərin rəsmi yekunu bu həftənin sonunda – Kərzainin rəqiblərinin oktyabrın 9-da keçirilmiş səsvermə zamanı pozuntularla bağlı şikayətləri araşdırıldıqdan sonra elan ediləcəkdir.

Kərzai seçicilərin səslərinin azı 55,4 faizini, onun rəqibi Yunis Qanuni isə 16 faizini toplamışdır. Məğlubiyyətini etiraf etmiş Qanuni isə, seçkilər günü ayrı-ayrı pozuntu hallarına baxmayaraq, səsvermənin nəticələri ilə razılaşmışdır. Onun seçkiqabağı qərargahının nümayəndəsi demişdir ki, biz nəticələrlə razılaşacağıq, çünki ölkəni böhrana sürükləmək istəmirik.

HƏMİD KƏRZAİ ƏFQANISTAN PREZİDENTİ SEÇİLMİŞDİR

MÜƏLLİFLƏ ƏLAQƏ

Bölmənin digər xəbərləri