HƏMVƏTƏNİMİZ KİYEVİN FƏXRİ SAKİNİDİR
AZƏRTAC-ın xüsusi müxbiri xəbər verir ki, Ukrayna ilə Azərbaycan arasında dostluq münasibətlərinin inkişafında və möhkəmləndirilməsində xidmətlərinə görə və 40 illik yubileyi ilə əlaqədar Ukrayna Azərbaycanlıları Konqresinin sədri Oqtay Əfəndiyev “Kiyevin fəxri sakini” medalına layiq görülmüş və fəxri fərmanla təltif edilmişdir. Fəxri fərmanı Kiyev Dövlət Administrasiyasının başçısı Aleksandr Omelçenko imzalamışdır. Mükafatları yubilyara təntənəli şəraitdə Kiyev Şəhər Sovetinin sədri Vladimir Yalovoy təqdim etmişdir.
Ukrayna paytaxtının Podol rayon administrasiyasının rəhbərliyi də Kiyevin tarixi mərkəzinin abadlaşdırılması işinə həmvətənimizin töhfəsini vurğulamışdır. Oqtay Əfəndiyev qədim memarlıq binalarının bərpası ilə məşğul olan “Podol-Restavrasiya” iri inşaat-rieltor şirkətinin başçısıdır.
Bölmənin digər xəbərləri
