ORDU
Hərbçilərin “Zəfər” zirvəsinə ekspedisiyası başa çatıb VİDEO
Bakı, 25 iyun, AZƏRTAC
Azərbaycan Ordusunun yaranmasının 103-cü ildönümü münasibətilə Hərbi Hava Qüvvələrinin (HHQ) bir qrup hərbi qulluqçusunun və “Qartal” Dağçılıq İdman Klubunun alpinistlərinin iştirakı ilə təşkil olunmuş “Qarabağ Azərbaycandır!” adlı ekspedisiya başa çatıb.
Müdafiə Nazirliyinin mətbuat xidmətindən AZƏRTAC-a bildiriblər ki, ekspedisiyanın üzvləri HHQ-nin zabiti polkovnik-leytenant Zal Nəbiyevin rəhbərliyi və "Qartal" Dağçılıq İdman Klubunun rəhbəri Rüfət Qocayevin iştirakı ilə Quba rayonu ərazisindəki "Zəfər" zirvəsinə yürüş ediblər.
Dəniz səviyyəsindən 4301 metr yüksəklikdə yerləşən "Zəfər" zirvəsinə qalxan alpinistlər, burada Azərbaycan Respublikasının Dövlət Bayrağını, eləcə də Azərbaycan Ordusu, HHQ və "Qartal" Dağçılıq İdman Klubunun bayraqlarını dalğalandırıblar.
Bölmənin digər xəbərləri
