HEYDƏR BABAYEV: AZƏRBAYCAN İQTİSADİYYATINAARTAN MARAQ VAR

01.12.2005 [11:43]
Çap et
A⁺ A^-

Xəbər verdiyimiz kimi, noyabrın 29-da Vaşinqtonda ABŞ-Azərbaycan iqtisadi əməkdaşlıq üzrə işçi qrupunun illik məsləhətləşmələri keçirilmişdir. Məsləhətləşmələrdə iqtisadi inkişaf naziri Heydər Babayev, xarici işlər nazirinin müavini Vaqif Sadıqov, Milli Bankın idarə heyətinin sədri Elman Rüstəmov da iştirak etmişlər. Maliyyə naziri Əvəz Ələkbərov və Dövlət Departamentində Yeni müstəqil dövlətlərə yardım proqramlarının əlaqələndiricisi Tomas Adamsın sədrliyi ilə keçən görüşdə ölkələrimiz arasında iqtisadi əlaqələrin hazırkı vəziyyəti, Azərbaycanda aparılan bazar iqtisadiyyatı islahatları, iqtisadi göstəricilər, yoxsulluğun səviyyəsinin azaldılması, korrupsiya ilə mübarizə sahəsində tədbirlər, qeyri-neft sektorunun inkişafı və bir sıra digər məsələlər diqqət mərkəzində olmuşdur.

Azərbaycan nümayəndə heyəti ABŞ paytaxtında Dünya Bankında və Beynəlxalq Valyuta Fondunda da görüşlər keçirmişdir.

Aparılan məsləhətləşmələri AZƏRTAC-ın müxbirinə şərh edən iqtisadi inkişaf naziri Heydər Babayev demişdir: “Bizim iqtisadiyyatımıza olan böyük maraq məni sevindirir. Həm Dövlət Departamentində, həm də beynəlxalq maliyyə təsisatlarında keçirdiyimiz görüşlərdə bunun şahidi olduq. Ölkəmizin makroiqtisadi göstəricilərinin, büdcəmizin, maaşların artmasına baxmayaraq, biz Dünya Bankı və Beynəlxalq Valyuta Fondu ilə işimizi davam etdirəcəyik. Çünki onların təcrübəsi, apardığı təhlillərə ehtiyacımız var. İqtisadiyyatımızın inkişafında bunların böyük rolu olacaqdır”.

HEYDƏR BABAYEV: AZƏRBAYCAN İQTİSADİYYATINAARTAN MARAQ VAR

MÜƏLLİFLƏ ƏLAQƏ

Bölmənin digər xəbərləri