Hindistan havanın çirkləndirilməsinə qarşı mübarizədə süni yağış yağdırmaq niyyətindədir
Bakı, 2 dekabr, AZƏRTAC
Hindistan hər il payız fəslində boğulur. Noyabrın əvvəlindən Nyu-Dehli çirkləndirmələrin zəhərli dumanı altında olur.
AZƏRTAC xəbər verir ki, Hindistan hökuməti havanın çirkləndirilməsinə qarşı mübarizə aparmaq üçün süni yağışın tətbiqi imkanlarını nəzərdən keçirir. Yerli hakimiyyət orqanları hər hansı ovsunlamaya üz tutmayaraq, bulud “səpmək” niyyətindədirlər. Bu elmi üsul yağış şəklində kondensasiyanı əmələ gətirmək üçün buludlarda natrium yodid və ya duzun tozlandırılmasını nəzərdə tutur.
Duzlu qarışığın ölkə paytaxtı üzərində tozlandırılmasına Kanpurdakı Hindistan Texnologiya İnstitutunun alimləri kömək edəcək.
Hindistanda zavodların, nəqliyyat vasitələrinin və yaxın rayonlarda fermerlərin fəaliyyəti nəticəsində əmələ gələn yanğınların yaratdığı tullantılar nəticəsində çirklənmə həddi qışın gəlməsi ilə artır: daha soyuq hava çirklənməni saxlayır.
Məktəblərin bağlanması, inşaat meydançalarının dayandırılması, nəqliyyatın dəyişkən hərəkəti - noyabrın əvvəlindən paytaxtda çirkləndirmənin dağıdılması üçün yerüstü tədbirlər davam edir. Buludların “səpilməsi” son ümiddir. Bununla yanaşı, bu üsulun effektivliyi hələ də müəyyən olunmayıb, hazırda onun həqiqiliyinə və nailiyyətinə elmin dəqiq əminliyi yoxdur.
Bu texnikanın dəyəri onun tətbiqi ilə bağlı şübhələr qədər yüksəkdir. Hindistanın “The Hindustan Times” gündəlik qəzetinin məlumatına görə, Dehlinin yerli hakimiyyət orqanları süni yağışların maliyyələşdirilməsi məsuliyyəti tamamilə öz üzərinə götürüb. Dəqiq qiymət açıqlanmır, lakin Hindistanın bəzi digər KİV-ləri 100 kvadrat kilometr sahə üçün 10 milyon rupi (təxminən 120 min dollar) sərf olunacağını yazırlar.
Hindistan havanın çirkləndirilməsinə qarşı mübarizəyə böyük vəsait sərf edən ilk ölkə deyil.
Çin hava şəraitinin dəyişdirilməsi cəhdlərinə müntəzəm olaraq milyardlarla dollar ayırır. 1958-ci ildən bəri bu Asiya nəhəngi şəhərlərdə və kənd yerlərində su təchizatını yaxşılaşdırmağa çalışır və 2025-ci ilədək öz qüdrətini möhkəmlətməyi planlaşdırır.
Bölmənin digər xəbərləri
