Hindistan paytaxtda hava çirkliliyi ilə mübarizə aparmaq üçün fişəng atılmasına qadağa qoyub
Bakı, 12 sentyabr, AZƏRTAC
Hindistanın Yeni Dehli şəhərində qışda havanın keyfiyyətinin təhlükəli səviyyəyə çatacağı proqnozu ilə əlaqədar “Diwali” festivalı ərəfəsində fişəng atılmasına qadağa qoyulub.
AZƏRTAC “Reuters”ə istinadla xəbər verir ki, bu barədə paytaxtın ətraf mühit naziri bildirib.
Nazir Qopal Rai mətbuat konfransında "Dehlidə istənilən növ fişəngin istehsalı, saxlanması, satışı, onlayn çatdırılması və partladılması tamamilə qadağandır" deyib və əlavə edib ki, polisə atəşfəşanlıq üçün lisenziyaların verilməsini dayandırmaq tapşırılıb.
Qeyd edək ki, “Diwali” festivalında fişənglərdən istifadə adi haldır. Festivalın bu il noyabrın ortalarında keçirilməsi planlaşdırılır.
Bölmənin digər xəbərləri
