Hindistanda hərbi bazada atışma nəticəsində azı 4 nəfər ölüb
Bakı, 12 aprel, AZƏRTAC
Hindistanın Pəncab əyalətindəki Batinda hərbi bazasında atışma nəticəsində azı 4 nəfər ölüb.
AZƏRTAC NDTV telekanalına istinadla xəbər verir ki, atışma bu gün səhər saatlarında zabitlər yeməkxanasının ərazisində baş verib. Ölənlərin hamısı hərbçilərdir.
Hadisənin səbəbləri və təfərrüatları, o cümlədən atəşin kim tərəfindən açılması barədə hələlik məlumat verilmir. Bazanın ətrafındakı rayon mühasirəyə alınıb, çevik reaksiya qrupları əraziyə baxış keçirir.
Telekanalın məlumatına görə, hazırda hərbi bazada hüquq-mühafizə orqanlarının istintaq qrupu işləyir.
Bölmənin digər xəbərləri
