HOLLANDİYA KARTOFU ABŞERONDA “VƏTƏNDAŞLIQ” QAZANIR
Ötən il Hollandiyadan gətirilib Abşeronda 30 hektar sahədə əkilmiş kartof toxumu özünü doğrultmuşdur. Yerli şəraitə əla uyğunlaşmış toxum 666 ton, yəni hər hektardan 22 ton məhsul vermişdir.
Kənd Təsərrüfatı Nazirliyindən bildirmişlər ki, son vaxtlar ölkəmizdə bu sahənin inkişafına ciddi diqqət yetirilir. Ötən il 57,5 min hektar əkin sahəsindən 694,4 min ton kartof götürülmüşdür. Bu, 2001-ci ildəkindən 88 min ton artıqdır. Kartof becərənlər intensiv üsula daha çox üstünlük verirlər və nəticələr də uğurludur. 2002-ci ildə istehsal artımının 74,9 faizi məhsuldarlığın yüksəldilməsi hesabına təmin olunmuşdur.
Bölmənin digər xəbərləri
