HOLLANDİYADA DAMA ÜZRƏ AVROPA ÇEMPİONATI BAŞLANMIŞDIR
Bakı, 3 avqust (AZƏRTAC). Hollandiyada ümidverənlər, mini-kadetlər, kadetlər və gənclər arasında 100 xanalı dama üzrə Avropa çempionatı başlanmışdır. Azərbaycanı yarışlarda ötənilki Avropa çempionatının mükafatçısı Famil Kamilli (10 yaşınadək ümidverənlər), Vüqar Babayev, Anar Mustafayev (hər ikisi 13 yaşınadək mini-kadetlər) və Sidqi Samanduyev (16 yaşınadək kadetlər) təmsil edirlər.
Avqustun 7-də başa çatacaq çempionatda komandamıza Dama Federasiyasının baş katibi Boris Muşailov rəhbərlik edir.
9 turdan ibarət çempionat İsveçrə sistemi ilə keçirilir.
Bölmənin digər xəbərləri
