IAF-ın sabiq prezidenti: Biz yeni kosmos erasına daxil oluruq
Bakı, 1 oktyabr, AZƏRTAC
Azərbaycan kosmosda yeni oyunçulardandır və “Azərkosmos” vasitəsilə bu sahədə müxtəlif layihələr həyata keçirməyi planlaşdırır. Bu istiqamətdə Azərbaycana uğurlar arzulayırıq.
AZƏRTAC xəbər verir ki, bu fikirləri Beynəlxalq Astronavtika Federasiyasının (IAF) sabiq prezidenti, fransız Jean-Yves Le Gall qurumun oktyabrın 1-də Bakıda keçirilən Nazirlər və parlament üzvləri üçün 13-cü toplantısında deyib.
Kosmosa yeni peyklər buraxılacağını diqqətə çatdıran IAF-ın sabiq prezidenti “SpaceX” şirkətinin təsisçisi Elon Maskın Bakıda keçiriləcək 74-cü Beynəlxalq Astronavtika Konqresinə onlayn qatılacağını da deyib.
Dünyada mövcud olan qlobal siyasi gərginlikdən və böhranlardan danışan natiq xalqların öz suverenliyinə görə narahat olduqlarını bildirib. Vurğulayıb ki, bunun üçün onlar öz peyklərinin olmasında maraqlıdırlar.
“Biz yeni kosmos erasına daxil oluruq”, - deyə o bildirib.
Bölmənin digər xəbərləri
