Bakı, 28 sentyabr, AZƏRTAC

Biz istəyirik, gələcəkdə ambulator müalicələrdə də əhalinin dərman təminatı olsun.

AZƏRTAC xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev deyib. O bildirib ki, icbari tibbi sığortaya başlayarkən 20 özəl tibb müəssisəsi ilə müqavilə bağlanmışdısa, bu gün onların sayı 100-dən artıqdır.

O, həmçinin qeyd edib ki, 2019-cu ildən bu yana həkimlərin də maaşında kifayət qədər artım olub. Bu gün tibb müəssisələrində çalışan ixtisaslar üzrə həkimlərin orta aylıq əməkhaqqı əvvəlki illərlə müqayisədə 400 manatdan 2 600 manatadək yüksəlib.

Zaur Əliyev bildirib ki, dövlət tibb müəssisələrində görüləcək işlər də çoxdur: “Bizim əsas məqsədimiz odur ki, vətəndaşlarımızın maddi vəziyyətindən asılı olmayaraq, tibbi xidmətə əlçatanlığı olsun, cibindən vəsait çıxmasın. Biz istəyirik, gələcəkdə ambulator müalicələrdə də dərman təminatı olsun".