İdman direktoru: Üç və ya dörd komandanın avrokuboklarda iştirak edəcəyini düşünürəm
Bakı, 6 may, AZƏRTAC
Azərbaycandan üç və ya dörd komandanın avrokuboklarda iştirak edəcəyini düşünürəm.
Bu sözləri AZƏRTAC-a açıqlamasında Azərbaycan Basketbol Federasiyasının idman direktoru Turqay Zeytingöz deyib.
Türkiyəli funksioner bunun bağlı danışıqlar aparacaqlarını bildirib: “Hazırda yerli komandalarla görüşlərimiz davam edir. FIBA ilə də danışıqlarımız olacaq. Amma mövsüm yeni bitib və görüşləri yeni başladıq. İndidən dəqiq nəsə demək çətindir. Komandalarımızın hədəflərini də öyrənmək lazımdır”.
Xatırladaq ki, bu mövsüm Azərbaycanı Çempionlar Liqasında “Sabah, Avropa Kubokunda isə “Neftçi” ilə “Abşeron Lions” təmsil edib.
Müxbir – Cavid Əliyev
Bölmənin digər xəbərləri
