İlin əvvəlindən banklar real sektora 2,6 milyard manat yeni kreditlər verib
Bakı, 1 iyun, AZƏRTAC
Cari ilin əvvəlindən ölkədə fəaliyyət göstərən banklar real sektora 2,6 milyard manat yeni kreditlər verib.
AZƏRTAC xəbər verir ki, bu barədə Azərbaycan Mərkəzi Bankının (AMB) sədri Elman Rüstəmov iyunun 1-də keçirdiyi mətbuat konfransında deyib.
“Ümumiyyətlə, bank sektoru kifayət qədər likvidliyə malikdir. Hazırda bankların likvidliyi 9 milyard manatdan çoxdur. Banklar öhdəliklərini vaxtında yerinə yetirirlər. İlin əvvəlindən əhalinin əmanətləri 3,7 faiz azalsa da, mayda 0,3 faiz artım müşahidə olunub”, - deyə E.Rüstəmov qeyd edib.
Bölmənin digər xəbərləri
