İLK KOSMONAVT-TURİST ANYUŞƏ ƏNSARİ KOSMOSDAN YERƏ QAYITMIŞDIR

29.09.2006 [12:32]
Çap et
A⁺ A^-

AZƏRTAC-ın xüsusi müxbiri xəbər verir ki, sentyabrın 18-də “Soyuz-TMA-9” gəmisində kosmosa uçmuş ilk qadın kosmonavt-turist, əslən azərbaycanlı Anyuşə Ənsari sentyabrın 29-da Moskva vaxtı ilə səhər saat 5.13 dəqiqədə, nəzərdə tutulmuş vaxtda Qazaxıstanın Arkalıq şəhəri ərazisindən Yerə qayıtmışdır.

“Soyuz-TMA-8” kosmik gəmisinin enmə aparatında Anyuşə Ənsari ilə birlikdə Beynəlxalq Kosmik Stansiyanın 13-cü ekspedisiyasının üzvləri, bu il aprelin 1-də elə bu gəmidə kosmosa uçmuş rusiyalı kosmonavt Pavel Vinoqradov və amerikalı astronavt Cefri Uilyams da Yerə enmişlər.

Xatırladaq ki, 39 yaşlı İran mənşəli ABŞ vətəndaşı, azərbaycanlı qızı Anyuşə Ənsari Tehranda doğulmuş, 1979-cu il islam inqilabından sonra ailəsi ilə birlikdə ABŞ-a mühacirət etmişdir. Elektrotexnika sahəsində magistr dərəcəsi olan A.Ənsari qardaşı ilə birlikdə biznes sahəsində böyük uğur qazanmışlar. Milyonçu qızın kosmosa səfəri təxminən 20 milyon dollara başa gəlmişdir.

İLK KOSMONAVT-TURİST ANYUŞƏ ƏNSARİ KOSMOSDAN YERƏ QAYITMIŞDIR

MÜƏLLİFLƏ ƏLAQƏ

Bölmənin digər xəbərləri