İlon Mask dünyanın ən varlı insanlarının reytinqində liderliyə yüksəlib
Bakı, 4 iyul, AZƏRTAC
Amerikalı iş adamı - “Tesla” və “SpaceX” kompaniyalarının, tviter sosial şəbəkəsinin sahibi İlon Mask Bloomberg agentliyinin versiyasına görə növbəti dəfə dünyanın 500 ən varlı insanının reytinqinə başçılıq edir.
AZƏRTAC xəbər verir ki, agentlik Maskın sərvətini 234 milyard dollar məbləğində qiymətləndirib. Bu ilin birinci yarısında onun varidatı 96,6 milyard dollar artıb. Reytinqdə ikinci yeri 200 milyard dollarlıq sərvətlə Fransanın LVMH (Louis Vuitton Moet Hennessy) kompaniyalar qrupunun prezidenti Bernar Arno tutub. Üçüncü pillədə isə 154 milyard dollarlıq sərvətə malik Ceff Bezos (Amazon kompaniyasının qurucusu) qərarlaşıb.
Agentliyin məlumatına görə, dünyanın 500 ən varlı insanı 2023-cü ilin altı ayında ümumilikdə 852 milyard dollar qazanc əldə edib.
Xatırladaq ki, İlon Mask kapitalı 200 milyard dolları ötən ilk şəxs kimi tarixə düşüb.
Bölmənin digər xəbərləri
