İndiyədək Xaçmaz KOB evində sahibkarlara 15,4 mindən çox xidmət göstərilib
Bakı, 9 dekabr, AZƏRTAC
Bu ilin fevral-oktyabr aylarında Xaçmaz KOB evində sahibkarlara 15 min 400-dən çox xidmət göstərilib.
Kiçik və Orta Biznesin İnkişafı Agentliyindən (KOBİA) AZƏRTAC-a bildirilib ki, bunun 14 min 700-ə yaxını “G2B”, 700-dən çoxu “B2B” xidmətləridir. Xaçmaz KOB evinin xidmətlərindən yararlanmış sahibkarların 90 faizdən çoxu Xaçmaz, 10 faizə yaxını isə Quba və digər rayonlardan olan sahibkarlardır.
Gün ərzində orta hesabla 90-dan çox sahibkar müxtəlif dövlət və özəl qurumların xidmətləri üçün Xaçmaz KOB evinə müraciət edir. Xaçmaz KOB evi tərəfindən sahibkarlara göstərilən xidmətlərdən məmnunluq səviyyəsi 97 faizdir.
Bölmənin digər xəbərləri
