İndoneziyada daşqınlar və torpaq sürüşmələri nəticəsində 29 nəfər həlak olub
Bakı, 27 noyabr, AZƏRTAC
İndoneziyanın Şimali Sumatra əyalətində daşqınlar və torpaq sürüşmələri nəticəsində azı 29 nəfər həlak olub.
AZƏRTAC xəbər verir ki, hakimiyyət orqanlarının məlumatına görə, təbii fəlakət nəticəsində, həmçinin 67 nəfər xəsarət alıb, daha 9 nəfər itkin düşüb.
Daşqınlar və torpaq sürüşmələri 400-dən çox evi, bir neçə körpünü və müxtəlif ictimai infrastrukturu dağıdıb, 7 mindən çox insan evlərini tərk edərək müvəqqəti sığınacaqlara yerləşib.
İndoneziyanın hakimiyyət orqanları Mandaylinqnatal, Cənubi Tapanuli və Şimali Tapanuli rayonlarında fövqəladə vəziyyət rejimi elan ediblər.
Bölmənin digər xəbərləri
