İndoneziyada Pakistan vətəndaşı pasport saxtakarlığına görə həbs edilib
Bakı, 13 mart, AZƏRTAC
İndoneziyanın Mərkəzi Cakarta şəhərində Pakistan vətəndaşı saxta pasport sindikatında iştirak və qalma icazəsini pozmaq şübhəsi ilə saxlanılıb.
AZƏRTAC İndoneziyanın “Antara” informasiya agentliyinə istinadla xəbər verir ki, bu barədə immiqrasiya orqanları məlumat yayıb. Bildirilib ki, Pakistan vətəndaşı Soekarno-Hatta hava limanında gömrük əməkdaşlarının şübhəsi əsasında aparılan araşdırma nəticəsində tutulub.
Mənzildə aparılan axtarış zamanı dörd mobil telefon, bir noutbuk və saxta sənədlər müsadirə edilib. Şübhəli Yunanıstandan göndərilən üç saxta pasportu aldığını etiraf edib.
Hadisə ilə bağlı araşdırma davam etdirilir.
Bölmənin digər xəbərləri
