İndoneziyada yük maşınının çaya düşməsi nəticəsində ölənlərin sayı 15-ə çatıb
Bakı, 24 fevral, AZƏRTAC
İndoneziyanın qərbindəki Riau əyalətində 32 nəfəri daşıyan yük maşınının çaya düşməsi nəticəsində ölənlərin sayı 15-ə çatıb.
AZƏRTAC xəbər verir ki, bu barədə ANTARA agentliyi məlumat yayıb. Əyalətin axtarış-xilasetmə idarəsindən bildirilib ki, üç gündən bəri davam edən axtarışlara baxmayaraq, cəsədlər suyun üzərinə çıxdıqdan sonra müəyyənləşib.
Qeyd edilib ki, yük maşını işçiləri və onların ailə üzvlərini şirkətdən bazara mal almaq üçün aparırmış.
Hadisə ilə bağlı araşdırmalar davam edir.
Bölmənin digər xəbərləri
