İnterpol tərəfindən axtarışda olan şəxs İstanbulda saxlanılıb
İstanbul, 6 dekabr, AZƏRTAC
İnterpol tərəfindən qırmızı bülletenlə axtarışa verilən, İngiltərənin şimal-şərqində narkotik ticarəti ilə məşğul olan mütəşəkkil cinayətkar təşkilatın lideri Şaun Monaqan İstanbulda saxlanılıb.
AZƏRTAC xəbər verir ki, bu barədə Türkiyənin daxili işlər naziri Ali Yerlikaya bildirib.
Məlumatda kod adı “Qəfəs -16” olan əməliyyat nəticəsində yaxalanmış həmin şəxsin rəhbərlik etdiyi təşkilatın İngiltərədə külli miqdarda narkotik vasitələrin yayılması, qanunsuz silah ticarəti, soyğunçuluq və digər ağır cinayətlər törətdiyi qeyd edilir. Onun oktyabrın 25-də Türkiyəyə gəldiyi, dekabrın 4-də isə barəsində axtarış qərarı çıxarıldığı bildirilir.
Cinayətkar İstanbulun Fateh bölgəsində yerləşən bir oteldə həbs olunub.
Bölmənin digər xəbərləri
