İqtisadiyyat İnstitutunun əməkdaşı inklüziv inkişaf üzrə beynəlxalq təlimdə iştirak edib
Bakı, 7 sentyabr, AZƏRTAC
AMEA-nın İqtisadiyyat İnstitutunun aparıcı elmi işçisi, iqtisad üzrə fəlsəfə doktoru, dosent Nəsimi Əhmədov Avstriyanın Birləşmiş Vyana İnstitutu və Beynəlxalq Valyuta Fondunun Peşəkar və Təşkilati İnkişaf İnstitutunun birgə təşkilatçılığı ilə keçirilən “İnklüziv inkişaf” beynəlxalq onlayn təlim kursunda iştirak edib.
Akademiyadan AZƏRTAC-a bildirilib ki, təlim kursunun keçirilməsində məqsəd iştirakçıların inklüziv artım anlayışını dərindən dərk etmələrinə kömək göstərmək, eləcə də makroiqtisadi siyasətin iqtisadi artıma, yoxsulluğa, bərabərsizliyə və iş yerlərinin açılmasına təsirini qiymətləndirmək, ölçmək və izləmək üçün onları analitik vasitələrlə təmin etməkdən ibarət olub.
Mühazirələrdə iştirakçılar uzunmüddətli artımın davamlılığına yönəlmiş inklüziv artımın əsas konsepsiyaları ilə tanış olublar. Məşğələlər isə bu konsepsiyaları praktikada tətbiq etmək və ayrı-ayrı ölkələrin təcrübələrinə əsaslanaraq inklüziv artım strategiyalarının işlənib hazırlanması barədə düşünmək imkanı yaradıb.
Bölmənin digər xəbərləri
