İRAN PREZİDENTİ DÜNYA FUTBOL ÇEMPİONATINA GETMƏYƏ HAZIRLAŞIR

05.06.2006 [14:57]
Çap et
A⁺ A^-

İran yığması Almaniyada iyunun 9-da başlanacaq dünya çempionatının səkkizdə bir finalına çıxsa, ölkə Prezidenti Mahmud Əhmədinejad birinciliyə azarkeş kimi getməyə hazırdır. AZƏRTAC xəbər verir ki, dövlət başçısı bunu futbolçularla görüşdə bildirmişdir.

“Novosti” agentliyi Almaniya televiziyasına istinadla xəbər verir ki, İran Futbol İttifaqının prezidenti Məhəmməd Dadkan Almaniyanın Tehrandakı səfirini Prezident Əhmədinejadın dünya çempionatına gedəcəyinin mümkünlüyü barədə xəbərdar etmişdir.

Məlum olduğu kimi, Əhmədinejad dünya birinciliyinə gedəcəyini dəfələrlə bəyan etmiş, lakin sonra sözünü geri götürmüşdür.