İRAN XİN-İN BAŞÇISI İSLAM KONFRANSI TƏŞKİLATININ FÖVQƏLADƏ İCLASINI ÇAĞIRMAĞI TƏLƏB EDİR
İran XİN-in başçısı Mənuçehr Mottəki İKT-nin baş katibi Ekmələddin İhsanoğlu ilə telefon söhbətində bildirmişdir ki, fövqəladə iclas çağırılmalı və həmin Avropa dövlətləri barəsində İslam Konfransı Təşkilatının ciddi mövqeyi hazırlanmalıdır. Bundan başqa, İslam dünyasına qarşı hücumun səbəblərini aydınlaşdırmaq lazımdır.
İKT başçısı Mottəkinin təcili iclas çağırmaq təşəbbüsünü dəstəkləmiş və onu təşkilatın digər üzvlərinə çatdıracağına söz vermişdir. O demişdir: “Təəssüf ki, bəzi Avropa dövlətləri nümayəndələrinin üzr istəmələrinə baxmayaraq, bu dövlətlərin KİV-lərində təhqiramiz karikaturalar hələ də dərc edilməkdədir. Belə çirkin əməllər söz azadlığı kimi qələmə verilə bilməz”.
Bölmənin digər xəbərləri
