İRANLA DOSTLUQ ƏLAQƏLƏRİ GENİŞLƏNİR

18.05.2004 [12:20]
Çap et
A⁺ A^-

AZƏRTAC-ın bölgə müxbiri xəbər verir ki, Lənkəran Dövlət Universitetinin rektoru, professor Mirzə Bağırovla İranın Ətraf Mühitin Tədqiqi İnstitutunun rəhbəri Əli Marağani arasında ətraf mühitin və ekologiyanın qorunması ilə bağlı rəsmi sənəd imzalanmışdır.

Sənədə əsasən hər iki tərəf ətraf mühitin öyrənilməsi sahəsində birgə elmi işlərin aparılmasına diqqəti artıracaq, bu sahədə təcrübə mübadiləsi edəcəklər.

İranın Gilan, Azərbaycanın cənub bölgəsinin termal sularından istifadə, regionda subtropik bitkilərin inkişaf etdirilməsi yolları, ətraf mühitin qorunması ilə əlaqədar elmi tədqiqat işlərinin genişləndirilməsi də nəzərdə tutulmuşdur.

Cari ilin dekabrında Lənkəranda cənub bölgəsinin təbii enerji mənbələrinə həsr olunmuş elmi konfrans keçiriləcəkdir.