İRAQ HÖKUMƏTİ RƏSMİ ŞƏXSLƏRƏ ƏL-CƏZİRƏ TELEKANALINA MÜSAHİBƏ VERMƏYİ QADAĞAN ETMİŞDİR

02.11.2004 [16:34]
Çap et
A⁺ A^-

AZƏRTAC-ın Küveytin KUNA Agentliyindən aldığı xəbərə görə, İraq hökuməti nazirlərə və digər rəsmi şəxslərə Qətərin Əl-Cəzirə telekanalına müsahibə, yaxud bəyanat verməyi qadağan etmişdir. Bu barədə iki gün əvvəl müvafiq sərəncam verilmişdir.

İraq hökumətinin fikrincə, Əl-Cəzirə ölkədə baş verən hadisələri birtərəfli işıqlandırır, öz reportajları ilə yaraqlıları yeni terror aktları törətməyə təhrik edir. İnsanlar girov götürüldükdən sonra telekanal ekstremist qruplaşmaların bəyanatlarını yayır.

Doğrudur, telekanal girov götürülmüş adamların edam olunması səhnələrinin nümayişindən etik mülahizələrə görə imtina etmişdir. ABŞ-da prezident seçkiləri ərəfəsində Əl-Cəzirə Üsəma ben Ladenin Amerika xalqına müraciətini yaymışdı.

İraq hökumətinin bir neçə ay bundan əvvəl Bağdadda Əl-Cəzirənin fəaliyyətinə qoyduğu qadağa ləğv edilməmişdir, əksinə, onun müddəti uzadılmışdır.