İRAQ PREZİDENTİ ÇOXMİLLƏTLİ KOALİSİYANI TƏNQİD ETMİŞDİR

31.10.2005 [22:59]
Çap et
A⁺ A^-

AZƏRTAC xarici informasiya agentliklərinə istinadla xəbər verir ki, İraq Prezidenti Cəlal Tələbani çoxmillətli koalisiyanı fəaliyyətini İraq tərəfi ilə əlaqələndirmədiyi üçün tənqid etmişdir. Onun dediyinə görə bu əlaqələndirmənin olmaması İraq şəhərlərinin əksəriyyətini bürümüş terror dalğasının səngiməməsinə gətirib çıxaracaqdır. Prezidentin sözlərinə görə, koalisiya qüvvələri İraq ərazisində təhlükəsizliyin təmin olunmasında ölkə ordusuna və polisinə daha fəal rol ayırmalı, özləri isə diqqəti neft magistrallarının, elektrik stansiyalarının və digər mühüm infrastruktur obyektlərinin mühafizəsinə yönəltməlidirlər.

ABŞ ordusunun nümayəndələri bildirmişlər ki, Süleymaniyə şəhəri yaxınlığında 1700 məhbus üçün nəzərdə tutulan həbsxana açılmışdır. Həbsxananın köhnə binası hələ sovet mütəxəssislərinin köməyi ilə inşa edilmişdi. Səddam Hüseynin hakimiyyəti dövründə burada İraq ordusunun məşq mərkəzi yerləşirdi. Obyektin yenidən qurulmasına 8 milyon dollar xərclənmişdir. Həbsxana İraq təhlükəsizlik qüvvələri bu cür obyektlərin idarə olunması sahəsində hazırlıq keçdikdən sonra onların istifadəsinə veriləcək ilk müəssisə olacaqdır.

İRAQ PREZİDENTİ ÇOXMİLLƏTLİ KOALİSİYANI TƏNQİD ETMİŞDİR

MÜƏLLİFLƏ ƏLAQƏ

Bölmənin digər xəbərləri