“İRƏLİ” TVERDƏ QONAQ OLACAQDIR
“İrəli” Ümumrespublika Gənclər Hərəkatından AZƏRTAC-a bildirmişlər ki, qurumun nümayəndə heyəti Rusiyanın ən kütləvi “Naşi” Gənclər Hərəkatının dəvəti ilə iyulun 20-dən 26-dək Tver vilayətində təşkil edilmiş Ümumrusiya Gənclər Düşərgəsində qonaq olacaqdır. Düşərgəyə Rusiyanın bütün guşələrindən 5 min nəfərin gələcəyi gözlənilir. Yeganə xarici qonaq “İrəli”nin həmtəsisçisi Elnur Məmmədovun başçılıq etdiyi Azərbaycan nümayəndə heyətidir.
Gənclər qarşısında Rusiyanın tanınmış siyasətçilərinin, politoloqlarının, ictimai xadimlərinin, Rusiya Prezidenti Administrasiyası nümayəndələrinin çıxış edəcəyi gözlənilir. Nümayəndələrimiz isə “İrəli”nin təqdimatını keçirməyi, hərəkatın fəaliyyətini əks etdirən çap vasitələrini yaymağı, “Naşi”nin və digər aparıcı gənclər təşkilatlarının rəhbərləri ilə görüşlər keçirməyi nəzərdə tutmuşlar.
Bölmənin digər xəbərləri
