İsmayıllıda Vətən müharibəsinin iştirakçıları ilə görüş olub
İsmayıllı, 13 mart, AZƏRTAC
İsmayıllı Rayon İcra Hakimiyyətində bir qrup Vətən müharibəsi iştirakçıları ilə görüş olub.
AZƏRTAC-ın bölgə müxbiri xəbər verir ki, karantin rejimi qaydalarına uyğun təşkil olunan görüşdə icra hakimiyyətinin başçısı Nahid Bağırov gəncləri Prezident, Ail Baş Komandan İlham Əliyevin rəhbərliyi ilə qırx dörd günlük Vətən müharibəsində işğalçı erməni ordusu üzərində qazanılan tarixi qələbə münasibətilə bir daha təbirik edib, bu qələbədə İsmayıllıdan olan əsgər və zabitlərin göstərdikləri qəhramanlıqlardan danışıb. Vətən müharibəsinin iştirakçılarına göstərilən dövlət qayğısından bəhs edən icra başçısı onların problemlərinin həllinin daim diqqət mərkəzində olacağını söyləyib.
Görüş iştirakçılarından Sumağallı kənd sakini Orxan Babayev, Yenikənd kənd sakini Kamran Həkimov, İsmayıllı şəhər sakini Natiq Qədirov göstərilən diqqət və qayğıya görə təşəkkürlərini bildirib, istək və təkliflərini söyləyiblər. Görüşdə qaldırılan məsələlərin həlli ilə bağlı əlaqədar təşkilatlara konkret tapşırıqlar verilib.
Bölmənin digər xəbərləri
