İspaniya millisi dünya çempionatı mükafatına görə 15 milyon dollar vergi ödəyəcək
Bakı, 24 iyul, AZƏRTAC
İspaniya milli futbol komandası dünya çempionatında qazandığı mükafatın təxminən 30 faizini ABŞ-də vergi kimi ödəyəcək.
AZƏRTAC xəbər verir ki, bu barədə “Fox News” telekanalı məlumat yayıb.
Məlumata görə, Beynəlxalq Futbol Federasiyası (FIFA) adətən dünya çempionatına ev sahibliyi edən ölkələrlə iştirakçı komandalar üçün vergi güzəştləri barədə razılıq əldə edir. Lakin ABŞ hakimiyyəti İspaniya yığmasının futbolçularını vahid komanda kimi deyil, ölkə ərazisində gəlir əldə edən ayrı-ayrı vergiödəyiciləri kimi qiymətləndirib. Nəticədə komandanın ödəyəcəyi verginin ümumi məbləğinin təxminən 15 milyon dollar olacağı bildirilir.
2026-cı il dünya çempionatı iyunun 11-dən iyulun 19-dək ABŞ, Kanada və Meksikada keçirilib. Turnirin final görüşündə İspaniya millisi əlavə vaxtda Argentinaya 1:0 hesabı ilə qalib gələrək dünya çempionu olub.
Bölmənin digər xəbərləri
