İsrailli turist: Bakıda gördüyümüz hər şey gözəl və mükəmməldir VİDEO
Bakı, 29 may, Vüqar Qurbanoğlu, AZƏRTAC
UEFA Avropa Liqasının bu gün keçiriləcək final oyununu izləmək üçün Bakıya gələn "Arsenal" azarkeşləri arasında israilli Lev Holon da var.
Təl-Əvivdən Bakıya dostları ilə birlikdə gələn Lev Holon Azərbaycan paytaxtı barədə təəssüratlarını və qarşıdakı oyunla bağlı proqnozlarını AZƏRTAC-ın müxbiri ilə bölüşərək deyib: “Bakı çox xoşumuza gəldi. Burada gördüyümüz hər şey gözəl və mükəmməldir, özümüzü tam sərbəst və təhlükəsiz hiss edirik.
Bakıda əsl futbol ab-havası var. Oyunun nəticəsinə gəlincə, əminəm ki, kubok "Arsenal"ın olacaq. Onun bütün tərəfdarları Bakıdan öz ölkələrinə qələbə sevinci ilə qayıdacaqlar”.
Bölmənin digər xəbərləri
