İstanbulda əsən güclü külək 193 binanın dam örtüyünü uçurub
İstanbul, 9 fevral, AZƏRTAC
Fevralın 8-i axşam saatlarından başlayaraq İstanbulda əsən güclü külək səbəbindən şəhərin 18 rayonunda 193 binanın dam örtüyü uçub.
AZƏRTAC xəbər verir ki, bununla bağlı Türkiyənin Fövqəladə Halların İdarə Olunması Agentliyi (AFAD) məlumat yayıb.
Məlumata əsasən, təbiət hadisəsi zamanı üç nəfər müxtəlif bədən xəsarətləri alıb. Güclü külək 13 ağacı yerindən qoparıb, 191 avtomobilə ciddi zərər dəyib.
Hadisənin fəsadlarının araşdırılması işləri davam edir.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
