İsveçdə Xocalı faciəsi qurbanlarının xatirəsi anılacaqdır
Bakı, 20 fevral (AZƏRTAC). AZƏRTAC xəbər verir, fevralın 26-da İsveçdə yaşayan azərbaycanlılar Geteborg şəhərində Xocalı soyqırımının 19-cu ildönümü ilə bağlı etiraz aksiyası və anma mərasimi keçirəcəklər.
Getaplatsen meydanından start götürəcək aksiyaya yerli ictimai-siyasi təşkilatların, bir çox dərnəklərin təmsilçiləri, bu ölkədə yaşayan türk və Azərbaycan icmalarının nümayəndələri qatılacaqlar.
Brunsparken meydanınadək davam edəcək yürüşdə ermənilərin azərbaycanlılara qarşı əsrlər boyu planlı şəkildə həyata keçirdikləri qanlı cinayətlər, Xocalı soyqırımı barədə həqiqətlər faktlarla tədbir iştirakçılarının diqqətinə çatdırılacaqdır. Erməni vandallarının 1992-ci il fevralın 25-dən 26-na keçən gecə Xocalıda 83-ü uşaq, 106-sı qadın olmaqla 613 günahsız insanı amansızcasına qətlə yetirməsi faktı bəyan ediləcəkdir. Əsrin ən böyük cinayətlərindən biri olan bu faciənin bütün dünya tərəfindən tanınması, qəbul edilməsi tələb olunacaqdır.
Bölmənin digər xəbərləri
