İSVEÇRƏDƏ 6 YAŞLI UŞAĞI ÜÇ İT PARÇALAMIŞDIR
Türkiyə mühacirləri ailəsindən olan uşaq aldığı bir neçə ciddi xəsarətdən yerindəcə ölmüşdür.
İtin 41 yaşlı italiyalı sakini həbs olunmuşdur. Onun psixoloji şok vəziyyətində olan məşuqəsi psixiatriya klinikasına aparılmışdır.
Hadisədən sonra “Amerika bulteryeri” cinsli üç itin sahibinin razılığı ilə həmin itlər dairə baytarı tərəfindən öldürülmüşdür.
Polis idarəsindən məlumat vermişlər ki, itlərin həbs olunmuş sahibi öldürülənlərdən savayı, daha üç bulteryer də saxlayırmış.
BİR ÇOX ÖLKƏLƏRDƏ DÖYÜŞ İTLƏRİNİN
SAHİBLƏRİ ÜÇÜN MƏHDUDİYYƏTLƏR MÖVCUDDUR
Bir çox ölkələrdə döyüş itlərinin və bəzi cins xidmət itlərinin sahibləri üçün məhdudiyyətlər mövcuddur. Bu itlərə bulteryerlər, rizenşnautserlər, boksçular, Almaniya ovçarkaları, staffordşir teryerləri və Argentina doqları aiddir. Bütün dünyada getdikcə daha çox başa düşülür ki, belə itlərin saxlanması silaha sahib olmaq kimi bir şeydir və eyni dərəcədə məsuliyyət tələb edir.
2001-ci ildə Almaniyada şəhərlilərə döyüş cinsli itlərin saxlanması qadağan edilmişdir. Fərmana qədər gətirilən itlər məcburi qaydada baytar yoxlamasından keçirilmişdir. Bəzilərinə bir müddət sağ qalmağa icazə verilmiş, bir neçəsi təlimə göndərilmiş, başqaları isə öldürülmüşdür. Bundan başqa, sağ qalmış itlərin sahibləri böyük məbləğdə vergi ödəyəcəklər.
Hələ 1997-ci ildə Yeni Zelandiyada bir sıra bədbəxt hadisələrdən sonra sakinlərə pitbulterlər, Yaponiya todziləri və Braziliya fililəri kimi döyüş cinsli itlərin saxlanması qadağan edilmişdir. Bu itlər məhv ediləcək, onlarla qan qarışığı olan itlər isə axtalanacaqdır.
2001-ci ildə Fransada döyüş itlərinin saxlanmasına qadağa qoyulmuş və pitbulteryerlərin hökmən axtalanması barədə sərəncam verilmişdir. Böyük Britaniyada hələ 1991-ci ildə bütün döyüş itlərinin saxlanması qadağan olunmuşdur. Ancaq bulteryer bunlara aid deyil və ona görə də bu cins müvəffəqiyyətlə çoxaldılır və çox geniş yayılmışdır.
2001-ci ildə Latviyada da ölkədə pitbulteryer, Argentina doqu, Braziliya filisi, Amerika staffordşir teryer cinsli itləri, habelə bu cinslərin mələzlərini “saxlamaq, çoxaltmaq, ölkəyə gətirmək” qadağan olunmuşdur.
Bölmənin digər xəbərləri
