İSVEÇRƏDƏ İSLAMI QƏBUL EDƏNLƏRİN GÖRÜŞÜ KEÇİRİLİB
AZƏRTAC-ın Müstəqil İslam İnformasiya Agentliyindən aldığı xəbərə görə, Cenevrədə İslamı qəbul etmiş İsveçrə sakinlərinin görüşü keçirilmişdir. Tədbiri ölkənin İslam Mədəniyyət Fondu təşkil etmişdir. Görüşə ailələri ilə birlikdə gəlmiş yeni müsəlmanlar İslam dini haqqında daha çox məlumat almaq niyyətindədirlər.
Tədbirdə Dünya İslam Liqasının baş katibi Əbdül Möhsün ət-Türki çıxış etmişdir. O, islamın və müsəlmanların rifahı naminə gördüyü işlər üçün İslam Mədəniyyət Fonduna təşəkkürünü bildirmişdir. Baş katib demişdir ki, İsveçrədə azlıq təşkil edən müsəlmanlar mövcud şəraitə müvafiq davranmaq üçün yaşadıqları ölkənin adət-ənənələrini bilməlidirlər.
Bölmənin digər xəbərləri
