Bakı, 15 fevral, AZƏRTAC

Fevralın 15-də İsveçrənin Bazel şəhərində keçirilən qılıncoynatma üzrə dünya kubokunun mərhələ yarışına start verilib.

AZƏRTAC xəbər verir ki, turnirdə ölkəmizi Azərbaycanın şpaqa üzrə kişilərdən ibarət milli komandasının üzvləri - Ruslan Həsənov, Xalid Əliyev, Fərrux Səfərov və Barat Quliyev təmsil edirlər. İdmançılarımız turnirdə şəxsi və komanda yarışlarında qüvvələrini sınayırlar.

Dünya kuboku turnirində 34 ölkədən 181 idmançı birincilik uğrunda mübarizə aparır. Turnirə fevralın 16-da yekun vurulacaq.