İtaliya yığmasının sabiq müdafiəçisi yenidən “Cenoa”ya qayıdıb
Bakı, 26 dekabr, AZƏRTAC
İtaliya yığmasının sabiq müdafiəçisi Domeniko Krişito yenidən “Cenoa” klubuna qayıdıb.
AZƏRTAC xəbər verir ki, 35 yaşlı futbolçu bu ilin iyulunda məhz “Cenoa”dan ayrılaraq “Toronto” ilə müqavilə bağlamışdı. Ötən ay MLS təmsilçisi ilə sövdələşməsinə xitam verən futbolçunun karyerasını bitirməyə hazırlaşdığı iddia edilsə də, Domeniko bunu təkzib etmişdi. Artıq “Cenoa” ilə məşqlərə başlayan təcrübəli oyunçu, bu klubun yenidən A Seriyasına qayıtmasına kömək etmək istəyir.
Krişito “Cenoa”nın yetirməsidir. O, “Yuventus” və “Zenit”də də oynayıb, İtaliya yığmasında isə 26 oyun keçirib.
Bölmənin digər xəbərləri
