İTALİYALI JURNALİSTLƏR FUTBOL ÜZRƏ AVROPA YIĞMA KOMANDASININ HEYƏTİNİ MÜƏYYƏN ETMİŞLƏR
AZƏRTAC xarici KİV-lərə istinadla xəbər verir ki, Yeni il ərəfəsində İtaliyanın paytaxtı Roma şəhərində nəşr olunan “Corriere dello Sport” qəzetinin əməkdaşları oxucuları üçün futbol üzrə Avropa yığma komandasının bu günə virtual heyətini təyin etmişlər.
Qəzetin redaksiya heyətinin rəyinə əsasən, hazırkı Avropa yığmasının heyəti belədir: Qapıçı - Buffon (İtaliya, “Yuventus”da oynayır), müdafiəçilər - Zambrotta (İtaliya, “Barselona”), Kannavaro (İtaliya, “Real”), Terri (İngiltərə, “Çelsi”), Abidal (Fransa, “Barselona”), yarımmüdafiəçilər - Lempard (İngiltərə, “Çelsi”), Pirlo (İtaliya, “Milan”), Sneyder (Hollandiya, “Real”), hücumçular - Kriştianu Ronaldu (Portuqaliya, “Mançester Yunayted”),
Totti (İtaliya, “Roma”) və Anri (Fransa, “Barselona”).
Məşqçi - Aleks Fergüson ( İngiltərə, “Mançester Yunayted”).
Bölmənin digər xəbərləri
