Jan Alezi: Bakı Hemiltona təvazökarlıq dərsi keçdi
Bakı, 21 iyun, AZƏRTAC
Formula-1 yarışlarının sabiq pilotu Jan Alezi hesab edir ki, Avropa Qran-prisi yürüşü “Mercedes”in pilotu Lyuis Hemiltona təvazökarlıq dərsi keçdi. AZƏRTAC “www.championat.com” saytına istinadla xəbər verir ki, J.Alezinin fikrincə, britaniyalı yürüşdən əvvəl darıxdırıcı adlandırdığı yeni trasa çox saymazyana yanaşıb. O deyib: “Düşünürəm ki, əgər “Mercedes”ə məxsus ən yaxşı bolid sizin sərəncamınızdadırsa, tələyə düşmək asandır. Zənnimcə, Lyuis evinə bir qədər “köpü yatmış” qayıdacaq, çünki Formula-1-in belə qəliz trasını qeyri-ciddi qəbul etmək olmaz”.
Bölmənin digər xəbərləri
