KAMİLLA PARKER–BOULZA KRALİÇA TACI QOYMAĞA İCAZƏ VERDİLƏR
AZƏRTAC Bi-Bi-Si-yə istinadla xəbər verir ki, şahzadə Çarlzın xanımı Kornuol hersoginyası Kamilla Parker-Boulza toydan sonra ilk dəfə təntənəli mərasimdə kraliça tacı qoymağa icazə vermişlər. Kraliça II Yelizaveta gəlininin Norveçin kral ailəsi şərəfinə şam yeməyində iştirak etməsi üçün bu tacı ona müvəqqəti vermişdir.
Almazlarla bəzədilmiş və Durbar tacı kimi tanınan bu zinət əşyası əvvəllər kral V Georqun xanımı kraliça Mariyaya məxsus idi. Tac kraliça üçün 1911-ci ildə hazırlanmışdı. Camaat sonuncu dəfə bu tacı ana kraliçanın Cənubi Amerikaya rəsmi səfəri zamanı görmüşdü.
Bölmənin digər xəbərləri
