“Kapital Bank”ın səhmlərinin yerləşdirilməsi həyata keçiriləcək
Bakı, 25 avqust, AZƏRTAC
Avqustun 25-dən etibarən Bakı Fond Birjasının (BFB) Listinq Komitəsinin qərarı ilə “Kapital Bank” ASC-nin qiymətli kağızları BFB-də standart bazar seqmentində listinqə daxil edilib.
BFB-dən AZƏRTAC-a bildirilib ki, standart bazar seqmentində listinqdə olan “Kapital Bank” ASC-nin imtiyazlı, adlı, sənədsiz səhmlərinin yerləşdirilməsi avqustun 28-də həyata keçiriləcək və emissiya prospektinə əsasən, yerləşdirilmə yeddi iş günü ərzində davam edəcək. Ticarətə buraxılan qiymətli kağızların sayı 1 milyon 614 min 205 ədəd, ilkin ticarət qiyməti 12,39 manat, illik gəlirlilik dərəcəsi 15 faizdir. Səhmlərin yerləşdirməsi üzrə anderrayter “Paşa Kapital İŞ” ASC-dir.
Bölmənin digər xəbərləri
