KARATE ÜZRƏ AZƏRBAYCAN KUBOKU UĞRUNDA TURNİRDƏ 150-DƏN ÇOX İDMANÇI MÜBARİZƏ APARIR

20.05.2008 [16:36]
Çap et
A⁺ A^-

AZƏRTAC xəbər veir ki, mayın 20-də Bakıda “Start” İdman Kompleksində ulu öndər Heydər Əliyevin 85 illik yubileyi münasibətilə karate üzrə Azərbaycan kuboku uğrunda turnirə start verilmişdir.

Yarışlarda müxtəlif bölgələri təmsil edən 150-dən çox idmançı mübarizəyə qoşulmuşdur.

Yarışın ilk günündə müxtəlif çəki dərəcələrində final görüşləri keçirilmişdir. Yüngül çəki dərəcələrində yarışlarda Şirvan şəhər karateçiləri İsmət Cəbizadə və Hüseyn Balakişiyev fəxri kürsünün ən yüksək pilləsinə qalxmışlar.

Böyüklərin yarışında isə Bakı idmançıları Müşfiq Hacılı, İmran Qurbanov, Cavid Abbasov və Şirzad Hacıyev müxtəlif çəki dərəcələrində Azərbaycan kubokunun sahibi olmuşlar.

Turnirə mayın 21-də yekun vurulacaqdır.

KARATE ÜZRƏ AZƏRBAYCAN KUBOKU UĞRUNDA TURNİRDƏ 150-DƏN ÇOX İDMANÇI MÜBARİZƏ APARIR

MÜƏLLİFLƏ ƏLAQƏ

Bölmənin digər xəbərləri