Karateçilərimiz Rabatda Karate1 Premyer Liqa turnirinin üçüncü mərhələsində iştirak edəcəklər
Bakı, 12 may, AZƏRTAC
Mayın 13-15-də Mərakeş Krallığının paytaxtı Rabatda Karate1 Premyer Liqa turnirinin üçüncü mərhələsi keçiriləcək.
Azərbaycan Milli Karate Federasiyasının mətbuat xidmətindən AZƏRTAC-a bildiriblər ki, Dünya Karate Federasiyasının (WKF) bu mötəbər silsilə yarışlarında üç idmançımız iştirak edəcək. Qadınların baş məşqçisi Denis Morozov karateçimiz İrina Zaretska (68 kg) ilə birgə Əminağa Quliyev və Sultan Hüseynovu (hər ikisi 60 kg) da müşayiət edəcək.
Yarışda 48 ölkədən 238 idmançı mübarizə aparacaq.
Nüfuzlu turnirin növbəti mərhələsi sentyabrın 2-4-də Bakıda keçiriləcək.
Bölmənin digər xəbərləri
