QAN YADDAŞI
Kardifdə Xocalı faciəsinin 23-cü ildönümü ilə bağlı yürüş keçirilib
Kardif, 26 fevral, AZƏRTAC
Kardif Azərbaycanlıları Cəmiyyəti tərəfindən Heydər Əliyev Fondunun vitse-prezidenti Leyla Əliyevanın təşəbbüsü ilə keçirilən “Xocalıya ədalət!” beynəlxalq təbliğat-təşviqat kampaniyası çərçivəsində Uelsin Kardif şəhərində Xocalı faciəsinin 23-cü ildönümü ilə bağlı yürüş keçirilib.
Kardif Azərbaycanlıları Cəmiyyətinin rəhbəri Xanlar Paşazadə tədbirin Xocalıda xalqımıza qarşı törədilən dəhşətli cinayətlə bağlı həqiqətləri bu şəhərdə yaşayan çoxsaylı xalqların nümayəndələrinə çatdırmaq məqsədilə keçirildiyini bildirib.
Yürüş zamanı maraqlananlara Xocalıda baş verən həqiqətləri özündə əks etdirən kitablar, şəkillər, məlumat buroşürləri və xüsusi tərtibatla hazırlanmış köynəklər paylanılıb.
Orxan İsmayılov
AZƏRTAC-ın xüsusi müxbiri
Kardif