KARTOF ƏKİLİR
Zərdab rayonunun torpaq mülkiyyətçiləri bir neçə gündür ki, kartof əkininə başlamışlar. Rayon icra hakimiyyətindən AZƏRTAC-ın müxbirinə bildirmişlər ki, son illər bölgə sakinləri kartofçuluğun inkişafına xüsusi diqqət yetirirlər. Keçən il əkin sahələri 2004-cü ilə nisbətən xeyli artırılaraq 301,5 hektara çatdırılmışdır. 2005-ci ildə sahələrdən 2 min 474,5 ton kartof yığılmışdır. Bu, əvvəlki ildəkindən 528,5 ton çoxdur.
Bu il əkin sahələrinin 310 hektardan çox olacağı gözlənilir. Hazırda yerlərdə kartof əkininə uğurla başlanmışdır. Gödəkqobu, Əlibəyli, İsaqbağı, Şıxbağı, Məlikli və digər kəndlərdə əkin kampaniyası daha mütəşəkkil aparılır.
Bölmənin digər xəbərləri
